Banori: Nuk u përgjigjen zjarrëfikëset, as ata të PD dhe PS / “Gati u dogjëm nga zjarri në Mylte të Rrilës”

Një zjarr i rënë që prej orëve të mëngjesit të kësaj të shtune në zonën e Myltes, në Rrilë të Lezhës, është përhapur në një sipërfaqe të gjerë.

Banorët janë shprehur të shqetësuar pasi sipas tyre zjarrëfikëset nuk jan përgjigjur në kohë por edhe kur kanë shkuar u ka mbaruar uji dy automjeteve.

Po ashtu banorët thonë se kanë telefonuar edhe nga radhët e Pas dhe PD drejtues të lartë por nuk kanë marrë përgjigje.

Një banore tjetër e moshuar thotë se ndërhyrja nga vetë ajo me anë të pompave e ka shpëtuar pa u djegur.

Flakët janë shtrirë drejt zonës së GrykLumit, ndërsa era ka favorizuar përhapjen e zjarrit.

Zjarri ka përfshirë ferra dhe shkurre nëpër sipërfaqet bujqësore.

Forcat zjarrfikëse ndodhen në terren dhe po punojnë për vënien nën kontroll të flakëve, ndërsa situata vijon të monitorohet.